فى الاول كده نعرف اية هى الهريسه عشان لو مافيش حد عارفها !!!
الهريسة هى نوع من أنواع الحلويات العربية اللذيذة التي يمكن تحضيرها في معظم المناسبات، تشبه الهريسة البسبوسة المصرية و النوعين من الحلويات بيحتويان على السميد، والسكر، والحليب، وجوز الهند، والزبدة -أو السمن-، وتختلفان في طريقة التحضير التزيين.
نيجي بقي للمكونات :---
- 2- كوب سميد.
- 1- كوب من السكر الناعم.
- 1- كوب من الحليب الجاف.
- 1- كوب من جوز الهند.
- 1- كوب من الزيت النباتي.
- 1- كوب من الماء البارد.
- ملعقة كبيرة من الباكنج باودر.
- كمية كافية من الفستق او انوع المكسرات اللى انتى بتحبي تضيفها على حلوياتك المفضله.
خلصنا المكونات نيجي بقي لطريقه تحضير الهريسه وطريقة تحضير العقد او العسل :----
- اول حاجه هاتعمليها انك تخلطى السميد، والسكر، والحليب، وجوزالهند، والزيت، والماء، والبيكنج باودر، وبعد كده حطيهم في صينيّة متوسطة الحجم او على حسب الكمية اللى انتى عملاها .
- بعد كده ابدئي برش المسكرات على الوش .
- غطي الصنيّة بالكيس واتركيها لمدّة تتراوح من ساعتين إلى ثلاث ساعات، عشان العجينة تخمر وممكن المدة تبقي اقل من كده.
- بعد كده حطي الصينية فى الفرن على درجة حرارة هادية لمدة 25 دقيقة .
- وبعد كده أخرجي الصينية من الفرن وحطى عليها العسل او العقد اللى هنعرفك تعملية ازاى. تابع-----------
طريقة تحضير العقد او العسل :--
- تجيبي شوية سكر ويفضل حسب الكمية اللى انتى عملاها ويفضل ايضا على حسب زوئك فى ناس بتحب الحلويات مسكرة اوووووي.
- بعد كده تجيبي شوية مياة حلوين وتحطيها على نار هادئة وسيبيها لحد اما تغلى عشان تبدا تعمل زى العسل وبعد كده سيبيها تبرد .
- بعد اما تبرد حطيها على صينية الهريسه والف هنا وشفا .
.jpeg)
