العلاقات:
العلاقات اللي إطارها مش واضح اللي التلميحات فيها أعلى من التصريح من أكبر الأسباب لكسر القلب كسرة بتاخد وقت عشان تتصلح.
وللأسف كتير من الناس اللي بيتكسر قلبها بيكون مش بسبب ظلم الطرف التاني بس قد تصديقهم لإفتراضات وظنون عمرها ما اتقالت ولكن كانت بتعامل معاملة انها الواقع وهى مش حاجة غير عالم خيالي رسمت نفسك فيه معاه والمشكلة من كتر ما صدقت انه واقع تتوجع لما يعاملك بشكل غير اللي عقلك رسمه.
اول طريق التعافي:
أنك تتحمل مسؤوليتك وتبطل تلومه انت اصلا فتحت على نفسك باب مليان ألم يوم ما سمحت لعقلك يعيش في خيال معاه فبدأت ترسم كل تصرفاته على مسطرتك أنت لوحدك.
تصرفاته كلها اهتمام تلميحاته كلها حب اللي بيحب بيصرح اللي بيحب لازم يحط حبيبه في سور علاقة واضحة تمنع اقتراب اى حد غيره منه.
مفيش حد بيحب وهيفضل بس يلمح ويجاري الكلمة من غير وضوح ومش بس الغلط انك سمحت بفتح الباب لحد يشغل قلبك.
أنت كمان قررت تترجم تصرفاته بدل ما توقف علاقة مالهاش اول من آخر غير انها فيها تشويق ومتعة ولذة الحاجة في أولها وعلى اساس المتعة اللحظية قررت انك تكمل.
منتبهتش أن القلب بيتعلق:
منتبهتش ان العقل بيحميك من اى وجع فيبدأ يزود خيالك لتصرفات يفضل يمنيك أنك اكيد مختلف أنك أكيد مميز عنده لو مكنتش مميز كان لمحلك لو مكنتش مميز كان سمحلك تاخد من وقته.
المشاعر بتعميك شوية شوية كأنك مسحور بتحس أنك مش قادر تستوعب أنه في احتمالات تانية غير تأكيد الحب في احتمال اللعب في احتمال انه مش خسران حاجة بوجودك بس مش فارق معاه غيابك وكل ما الوقت يعدي العلاقة بتاخد جواك شكل مقدس اسطوري وللاسف انت مجرد ولا حاجة له مجرد وقت بيتقضى.
مجرد وقت:
لان ارجع اقولك اللي بيحب بجد مش هيسيبك تسأل نفسك مليون سؤال اما بقى اللي بيصرح ومش بيتصرف تصرف يأكد تصريحه فهو بس يزيد عليه انه انسان مش فارق معاه كلمته كلمة الحب عنده رخيصة اوي الاولاني مش هيقول كلمة مش قدها التاني مفيش اسهل من الكلام.
عشان العلاقة تبقى مؤكدة:
لو في حب يصرح ولو صرح لازم ياخد خطوات تؤكد الحب ده مفيش حاجة اسمها استحالة مفيش حاجة اسمها اصله مينفعش دلوقت اللي مينفعش ميتعملش ويتصبر عليه لغاية ما ينفع.
لو فعلا بيحبك وحس باستحالة حبه مش هيفضل معلقك جنبه هيسيبك عشان ميعلقكيش بامل كذاب مهما ده كان بيوجعه.
اللي بيحب ويضعف مبيحبش بجد هو بيملى نفسه واحتياجه لان الحب اصلا بيقوي وبيديك قوة وصلابة محدش يصدق ان الحب بيكون نقطة ضعف.
هو بس وجود حبه اظهر لك نقطة ضعفك اللي ناقصة اوي وغرقتها بالحب فشوهت الحب بدل ما يبقى حب حقيقي زيفته بقى مجدر مصدر لتلبية الاحتياج الناقص ويبقى انت مش جاهز للحب انت كدة بتضحك على نفسك وبتدخل في علاقة تلبي احتياج مجرد ما يشبع هتكتشف ان اختيارك مش صح.
وعشان كدة مفيش حاجة اسمها انه حبك اضعفه فمخليه مضطر يبقى معاكي رغم انه مينفعش هو معاكي عشان هو اضعف انه يكون من غيرك يعني معاكي عشانه مش عشانك لان المفروض حبك يقويه اللي بيضعف هو الاحتياج.
لان الحب بيدي قوة وحافز للتغيير والمحاولة ولو انتي راضية تبقى مجرد تلبية احتياج خليكي بس متزعليش لما يشبع ويمل لان لو كان بيحبك كان هيفكر فيكي زى ما فكر في نفسه وبس.
عمر ما الافلام كانت حقيقة:
لأن اللي عارف انه مينفعش ويفضل معاكي ده حب رخيص اناني مش بيحبك انتي هو بيحب انه في حالة حب واني بيلبي احتياجه لوجود طرف بيحبه وبيحسسه بقيمته.
مهما كانت االعلاقة مبهرة وبراقة صدقيني انتي مش قد وجع القلب لما خيالك يصطدم بالواقع اللغبطة اللي بتحسيها بتكون ألم صعب.
اللي بيحب بجد بيخاف على اللي بيحبه حتى من نفسه مش بيخليه موجود لتلبية احتياجه وبس.
وعشان كدة مفيش حاجة اسمها انه حبك اضعفه فمخليه مضطر يبقى معاكي رغم انه مينفعش هو معاكي عشان هو اضعف انه يكون من غيرك يعني معاكي عشانه مش عشانك لان المفروض حبك يقويه اللي بيضعف هو الاحتياج.
لان الحب بيدي قوة وحافز للتغيير والمحاولة ولو انتي راضية تبقى مجرد تلبية احتياج خليكي بس متزعليش لما يشبع ويمل لان لو كان بيحبك كان هيفكر فيكي زى ما فكر في نفسه وبس.
عمر ما الافلام كانت حقيقة:
لأن اللي عارف انه مينفعش ويفضل معاكي ده حب رخيص اناني مش بيحبك انتي هو بيحب انه في حالة حب واني بيلبي احتياجه لوجود طرف بيحبه وبيحسسه بقيمته.
مهما كانت االعلاقة مبهرة وبراقة صدقيني انتي مش قد وجع القلب لما خيالك يصطدم بالواقع اللغبطة اللي بتحسيها بتكون ألم صعب.
اللي بيحب بجد بيخاف على اللي بيحبه حتى من نفسه مش بيخليه موجود لتلبية احتياجه وبس.
.jpeg)
