فى يوم من الايام اتصل عليا صديق وقالى انا عندى تغطية صحفية عن المبانى الاثرية ايه رايك تيجى معايا قولتله ندوه واثار ايه ياعم وانا مالى بالكلام دة اصلا وكمان دة شغلك وانا هكون زهقان من القعدة.
قالى انت لو عرفت المكان الى الندوه فى هتكون سعيد ومش زهقان قولتله ليه يعنى قالى الندوه معموله داخل قصر البارون وانت كان نفسك تشوفو على الحقيقة .
قولتله بجد لا دة انا كان نفسى اشوفو من زمان جدا وكمان انا هسبقك على هناك بقى قالى انا عارف انك عايز تشوف القصر من جوه من ومان وتكتشف اسراره واول ما عرفت الموضوع دة انت جيت فى بالى وكلمتك علطول قولت دية احسن هدية اقدمهالك بجد.
مكنتش اعرف وقتها انها هتكون الهدية الملعونه:-المهم فضلت مستنى اليوم دة بفارغ الصبر واتقابلنا واخيرا وصلنا عند القصر وكنت فرحان جدا وقلت اخيرا حلمى هيتحيقق واشوف القصر من جوه دخلنا وكان فيه شخصيات كتير مهمه وعلماء اثار شد انتباهى راجل كبير فى السن واقف مع مجموعه من الناس بيحكلهم عن تاريخ القصر.
وقفت اسمع كلامه لحد لما انتهى وروحت ساله سوال هو بجد القصر ده مسكون فعلا الشيطان بيبقى موجود فى القصر بصلى وابتسم وابتسامة خييثه وقالى مين قال الكلام دة.
قولتله انا مهتم جدا بالاشياء الخارقه للطبيعه دية وما وراءها وقريت كتير عن القصر بس نفسى اعرف القصة الحقيقية رد عليا وقالى بنفس الابتسامة الخبيثه انا كمان نفسى اعرف زيك قولت بس اكيد حضرتك تعرفرمعلومات عنه كتر منى.
سكت شويه وبعدين قالى فيه اسطوره بتقول ان صاحب القصر كان عنده مدونه كاتب قيها كل الاسرار والمواقف الى حصلت هنا فى القصر بس المدونه الحقيقيه اختفترفى ظروف غامضه ومحدش قدر يلاقيها لحد دلوقتي قولتله اختفت ازاي وايه سر اختفائها قالي بيقولوا ان الشيطان ليه يد في اخفائها وانها موجوده في مكان سري في قبو القصر .
بصتله باندهاش وقولتله الكلام ده بجد قالي انا قولتلك في الاول اسطوره بس فيه مقوله شهيره بتقول كل اسطوره مبنيه علي قصه حقيقهفضلت ساكت بفكر في كلامه وبعدين جيت اسأله ببص لقيته مش موجود فضلت ابص حواليا في كل مكان وادور عليه لقيته اختفي.
الندوه كانت معموله في الدور الارضي للقصر والدور الي فوق كان مقفول وممنوع حد يطلعه بصراحه كان عندي شغف اشوف القصر كله واتفرج عليه وخصوصا بعد الراجل الغريب الي حكي القصه واختفي فضلت اتمشي في القصر و اتفرج عليه لحد لما لاحظت حاجه غريبه علي حيطه من حيطان القصر حسيت اكن الحيطه مقسومه نصين اكنها زي باب مقفول قربت منها و فضلت اضغط عليها واشوف اذا كان ده شرخ او ايه بالظبط .
لحد لما فجأه لقيت الحيطه اتفتحت واكنها زي بوابه ولقيت سلم طويل نازل لتحت واخره ضلمه كحل اكنه ملوش نهايه معقول معقول ده يكون القبو السري الي بيحكوا عنه بصيت حواليا مفيش حد كان واخد باله مني واخدت قرار اني انزل و بدون تردد وفعلا عديت البوابه وبدأت انزل السلم .
السلم كان ضلمه ومكنتش شايف اي حاجه طلعت الموبيل بتاعي وشغلت الكشاف وبدأت انور لنفسياول منورت الكشاف اخدت بالي من جنب الحيطه والرسومات الغريبه الي مرسومه علي الحيطانوصلت لنص السلم تقريبا وشوفت حاجه غريبه لقيت حاجه زي ضوء خفيف جدا اكن حاجه منوره بعيد بس مش قادر احدد كملت ونزلت لحد لما خلصت السلم لقيت قدامي ممر طويل و لقيت في نصه شعله نار مولعه ومحطوطه ع الحيطه.
استغربت جدا وقولت لنفسي ازاي في شعله نار موجوده هنا ومولعه اكيد في حد بينزل المكان ده المكان شكله مرعب جدا وكله رسومات علي الحيطان اشكال غريبه وصور لناس بقرون و ناس مشنوقه وارقام و حسابات غريبه حسيت برهبه قويه ورعب من اني اكمل لكني قولت الفرصه دي متتعوضش واحتمال الاقي مدونه الاسرار موجوده جوه .
اخدت قرار اني اكمل والي يحصل يحصل فضلت ماشي في الممر وانا قلقان و مترقب اي موقف يحصلواول مخلصت الممر لقيت نفسي في اوضه كبيرهبس مكانش فيها غير ترابيزه مدوره وكرسي واحد وشعلتين نار متعلقين علي الحيطان وكان فيه باب في اخر الاوضه بس شكله مقفول ومتفتحش من فتره كبيره جدا قربت من الترابيزه ولقيت عليها صندوق شكله اثري و وعليه رسومات شكلها يخوف وكان متغطي بالتراب والعنكبوت الفضول شدني اني افتحه واشوف ايه جواه فضلت انضف فيه واحاول افتحه.
كان مقفول جامد حاولت معاه لحد لما اتفتح اول لما فتحته لقيت جواه كتاب مسكته لقيت مكتوب عليه مذكراتي الخاصه معقول تكون دي المدونه اللي عالم الاثار قالي عليها الي فيها كل الاسرار فتحتها بسرعه وقولت اقرأ الي فيها والحقيقه انه جالي ذهول من الي قرأته .
بدايه المدونه :
لقد بنيت هذا القصر لكي اعيش فيه مع زوجتي وابنتي لارا توفيت زوجتي في ظروف غامضه عندما وقعت من برج القصر وماتت في الحال وقد شاهدت ابنتي الحادث البشع واصابتها حاله نفسيه سيئه كان تربط ابنتي لارا علاقه صداقه بابنه صديق لي اسمها كارلا وكانو في نفس العمر تقريبا .
كانت كارلا لها علاقات شيطانيه واستطاعت انت تسيطر علي ابنتي لارا وقد أهدتها ورقه من الورق المفضض مرسوم عليها شعار لكائن بشع و قامت لارا بتثبيتها على جدران حجرتها الوردية الجميلة التي تقع غرب القصر .
لم تكن ابنتي لارا تعلم ان صديقتها كارلا تقودها إلى طريق الشيطان دون أن تدري فتغير حالها كثيرا و قد تعالت ضحكاتها ليلا مع صديقتها كارلا و كانت رائحه البخور تنطلق من غرفه ابنتي دائما ودخلت ابنتي مع كارلا في يوم احد السراديب وكانوا ينشدون الترانيم الحزينةوفي هذا الوقت كانت تسترجع موت أمهافتصاب بهياج و حاله من الصرع بينما تقوم كارلا باستدعاء الشيطان .
بعد تلك الممارسات الغريبه والعجيبه ساءت حاله لارا النفسيه وطلب مني طبيب القصر ان اقوم بتغير مكان غرفتها لمكان اخر حتي تستطيع الهدوء والاسترخاء ولكنه لم يغير في الامر شئ بل الامر ازداد سوءا .
وما زاد الأمور سوءًا مصرع 4 من خادمات القصر الواحدة تلو الأخرى ومنهم رئيسة خدم القصر والعجيب أنه عقب كل حادثة كانت لارا تحاول الانتحار مما كان يشير بوجود صلة بينها وبين هذه الحوادث البشعة .
توفي اخي بعد ذلك في سرداب القصر بعد ان نشأت صداقه بينه وبين الملعونه كارلا وسبب الوفاه كان مجهول وبعد فتره من وفاته توفيت ابنتي لارا بعد ان سقطت من برج القصر في نفس يوم وفاة امها و انتهت المدونه.
بعد ما قريت الكلام ده جالي ذهول ومبقتش مصدق معقول يكون الكلام ده حقيقي انا حاسس اني بحلم وفجأه سمعت صوت من ورا ضهري بيقولي واضح انك وصلت للمدونه السريه انت شخص ذكي جدا .
لفيت بسرعه اشوف الشخص الي بيتكلم لقيته عالم الاثار الي اتكلمت معاه في الندوه والي عرفني بقصه المدونه الي فيها الاسرار
قولتله ايه ده انت عرفت توصل لهنا ازاي انت مش هتصدق انا لقيت ايه في المدونه حقيقه اغرب من الخيال لو حيكتلك هتقول عليا اتجننت .
بصلي وابتسم نفس ابتسامته الخبيثه وقالي ومين قالك اني مش هصدقك انا عارف كل الكلام الي مكتوب اصلا اندهشت وقولتله عارفه عارفه ازاي .
فجأه لقيت ملامح وشه بتتغير وشكله بيتحول لكائن شكله بشع وهوه بيقول بصوت كله شر و رعب انا الي قابلتك واديتك المعلومات وسهلتلك الطريق عشان تقدر توصل لحد هنا وتعرف الاسرار الي كان نفسك تعرفها .
اتفزعت من المنظر البشع وقولتله انت ايه انت ايه بالظبط رد عاليا بصوت فيه كل شر الدنيا وبنبره هزت كل حته في جسمي وقالي معقول لسه معرفتنيش هتفضل خايب طول عمرك .
قلبي كان هيقف من الرعب وبدأت ابكي وقولتله انت انت انت الشيط وقبل ما اكمل راح قاطع كلامي وقالي بنفس نبره الصوت الي كلها شر .
انا الي وصلتك لهنا و عرفتك كل ده واوعي تفتكر انك هتخرج من هنا انت هتموت هنا وسرك هيندفن معاك اسوء لحظه رعب بعيشها في حياتي حسيت اني بموت و لساني بيتشل الثواني بتمر عليا اكنها الف سنه .
حاولت اجري واهرب لكن لقيت الممر الي دخلت منه اختفي جريت علي الباب حاولت افتحه مش عارف افتحه وهوه بيضحك ضحكات كلها شر حسيت ان الدنيا بتسود في عنيا و ان دي النهايه مبقتش عارف افكر بس حاجه واحده بس عملتها.
فضلت اذكر ربنا واقول يارب نجيني اعوذ بالله من الشيطان الرجيم وكنت سامع صوت صرخاته المجنونه وهوه بيقولي اسكت
وانا بذكر ربنا و بستغفر وصوت صرخاته بيعلي و بيخرم وداني اكنه بيتعذب وبيتحرق .
لحد لما وقعت وفقدت الوعي من حاله الرعب الي وصلتلها فجأه سمعت اصوات ناس كتير ولقيت صاحبي بيحاول يفوقني فتحت عيني وبدأت اركز لقيت نفسي نايم علي الارض في جنينه القصر وناس واقفين حواليا وصاحبي بيحاول يفوقني .
قولتله ايه ده انا فين قالي انت ايه الي حصلك ايه الي خرجك من القصر قولتله خرجت ازاي انا مش فاكر حاجه قالي الامن بتاع القصر شافك واقف جنب الباب الخلفي بتاع القبو وعمال تقول كلام عجيب مش مفهوم وفجأه وقعت وفقدت الوعي انت شكلك مفطرتش قبل متنزل وله ايه.
حسيت أن صاحبي فهم الي حصلي وبيحاول يطلعني من الورطه الي انا فيها فقولتله اه انا شكلي جالي هبوط انا فعلا نزلت من غير فطار وخرجت انا وصاحبي من القصر وانا مش مصدق الي عيشته وشوفته هل فعلا كان بجد وله خيال.
و اول ما ركبنا العربيه صاحبي قالي بص بقي انت شكلك وراك حكايه كبيره قولتله وانا سرحان ايوه حقيقي قالي طب احكيلي بقي بالتفصيل الممل سكت شويه و بدأت احكيله الي حصلي وهوه في حاله ذهول .
.jpeg)
