تربية الدواجن البيضاء تسمين ومعرفه العنايه بها بالمنزل

Nariman sadik

اليوم هنشرح ازاى هتربية الدواجن ده مشروع جميل جدا ومربح طبعا كل اللى هقوله انا هيكون استنادا لخبره طويلة جدا بمجال تسمين الدواجن بنظام المزارع او البيت لانى جربت الاتنين وبالنسبة للتسمين عندنا نوعين فى الاسواق احمر و ابيض والاتنين زى بعض فى كل حاجه مع اختلاف لون الريش مدة دورة تسمين كل منهم عن الاخر.

الفراخ البيضا دورتها 45 يوم 
الفراخ الحمرا 60 _ 75 يوم 

 طريقة استقبال الكتكوت او الطير عمر يوم :

والطريقة دى مستخدمة لكل انواع الطيور اللى عمرها يوم مثل 

• فراخ 
• بط 
• رومى 
• سمان 
• حمام 

المكان سواء عنبر او شقه او غرفه لازم تكون 100 متر مربع بيتربى فيهم 1000 فرخه يعنى لكل متر عشر فرخات فى كل مكان طول ما المكان كبير طول ما الفراخ هتكبر اكتر لان المكان بيخلى الفرخة تمشى وتاخد راحتها فى الحركة دة لازم يكون موجود فى الدرجة الاولى فى المشروع الناجح .

ووسائل التهوية فيه تكون جيده جدا مهمه جدا فى التربية الدواجن يعنى ممكن الطير يجوع يعطش هيعيش لكن قلة التهوية وعدم تواجدها بالطريقة الصحيحة بتموت الطير التهويه اهم عامل فى نمو الفراخ البيضا وبسبب التهوية مزارع كتير بيتخرب بيتها عشان كدة الاهالى الى بتربى عدد بسيط على سطح او بلكونة او كرتونة والتهوية متاحة لهم بيكبر معاهم التككوت اسرع مش بسبب الاكل لا التهوية عامل اساسى فى تربية لافراخ البيضا مبيحبوش الحار ولا يقدرو يعيشو فيه.

وبردة ملهمش بالجو البارد بس الجو المعتدل سبب نموهم الاسرع التهوية تخلى فرخ عندك فى شهر ونصف يديكى 2 كيلو ونصف وعند جارتك اللى كاتمة الفرختين فوق قلب بعض يديها 1 و200 جرام فقط غير الوفيات مستمرة والامراض انت لازم تهوى المكان الخاص بالمشروع بتاعك علشان المشروع ينجح 100فى 100.

التطهير للارضيه:

ننضف المكان ونكنسة اوى اوى ونزحف العنكبوت اللى فى المكان علشان الامراض بالنسبة للى مكانهم اول مرة تربى فيه او خالى من الطيور ونضيف من 6 شهور نجيب كلور حامى مش مخفف كلور مركز ريحتة تخنق لو شمتيها وتحطى 2 لتر كلور على 10 لتر مية معدل جردل كبير كده يعنى وتجيبى كوباية كبيرة وتاخدى بيها وترشى على سقف وراضية وجدارن تبللى كله وتكونى فاصلة الكهربا من المكان علشان ميحصلش مشاكل فى المكان وتكونى قافلة شبابيك المكان وتطلعى بسرعه وتقفلى المكان لمدة يومين ولا تلاتة فيروس او حشرات تموت وكده بيكون المكان خالى من اى حاجة ممكن تعطل المشروع بتاعك.

وبالنسبة بقى للناس اللى ربت قبل كده:

الناس اللى لسة كانت مخلص الدوره بتاعت الفراخ والمكان عندهم مش كويس وفى اصابة بامراض سابقة قتلت فراخهم او فاش او حشرات بتعمل هرش او بتتجمع بريش فراخ يجيبو من الصيدلية البيطرية 

مضاد حشرات بايزونول تركيز 60 % ال 100 سم تمنهم 10 جنية وفى صيدلية اخرى بتبيعة ب 15 جنية ( تجارة بقى اول حاجة بازول مركز بنسبة 60 % اتاكدى من التركيز بلاش يديكى 15 % وينصب عليكى وتحطى 2 سم لكل لتر وترشى المكان سقف وجدار وارضية تخلية غرقان بالمعقول وتقفلى باب وشباك طبعا قبل الرش وتطلعى وتسيبى المكان يومين

 وتيجى بعدها بيومين تجيبى فورمالين تركيز 48 % من عند البيطرى بيبقى جراكن كبيرة ال 20 لتر ب 75 جنية فاطلبى منة يديلك كم لتر على قد حاجتك فقط هو اللتر منة بيستخدم لكل عشرة لترة مية حلو اوى شوفى هتحتاجى كم جردل ميه يغرقو المكان الى عندك ومساحتك واطلبى اللى تركيزة 48 % وحطي لكل لتر فورمالين \ 10 لتر مية.

عايزة اقولكم انة مش هتقدر تتنفس وهتحس بتقريص بالجنب والم شديد نتيجة ريحتة وانة فعلا ضار ع الكلى والكبد بس دا ياعينى للى يوميا بيطهرو الاماكن دى وشغالين بالمزارع لكن اول مرة فانصحك تكونى قافلة الشباك او الشبابيك اى مكان تهوية اقفلية تكون فى المكان لو انت بتربى فى البيت اقفل الشبابيك المكان اللى انت بتسكن فى علشان الريحه الشديده.


وجهز لخروجك بسرعه واعملى كم جردل الرش بتوعك برا جهزيهم واياكى طفل يقرب منك ولا يحاول يشم المية هيجيلة اختناق فى ساعتها ومش هيعرف يتنفس بلاش اطفال يكونو موجودين فى المكان او اللى اقل من 15 سنة.

لو الاوضة 3 فى 4 متر هتحتاج جردلين او تلاتة و جهزهم برا فى الهوا حط الفورمالين وافتحى المية فوقة وجهز شغلك وادخل بقى للغرفة ورش بكوباية كبيرة تساعدك وطول مانت ماشي رش الاول من جوا عشان ترجع بضهرك على برا للهوا.

سقف ارضية جدران غرقى المكان بعد ماتكون نضفتية اوى واتكنس اوى واتشال اى اثار لبراز قديم او عدوى منة وترش كلووو وتخرج واطلع واقفل المكان لمدة 3 ايام وتكون فاصل اى كهربا طبعا قبل الرش ومننساش وقت التطهير.

اى شى هيدخل فى المكان لازم يكون جهز و مطهراى شيئ هيدخل على الفراخ بعد كده هيكون مطهر ونضيف علشان الامراض وبعد مرور 3 ايام تدخل المكان هتلاقيه طاهر 100 % افتحية للتهوية كم ساعة عشان ريحة الفورمالين والخنقة تزول وارجع اغلقية واستنى ميعاد استلام كتاكيتك ودى كانت طريقة تطهير المزرعة او اى مكان هتربى فيه

 اهمية الجير المطفى فى تربية الدواجن:

الجير المطفى فايدتة بيتفرش منة ارضية المكان كلها قبل وصول الكتاكيت بيوم واحد ونرش كمان ارتفاع متر من الجدار نرش الجير عليه الفراخ عمر يوم لو نقرت فية متخافيش.

الجير دة صحى لهم وبيخنق اى برص او حشرات موجوده فى المكان هو لازم يكون موجود لية لان بيعمل طبقة عازلة بين اى براز باقى غصب عنك بعد التطهير بالارضية وبيمنع الطير انة ينكش برجلة فى ارضية مصابة بمرض سابق او يطول البلاط لو هتربى بشقة بيعمل عازل يحمى السقف وكمان يمتص الرطوبة.

اهمية نشارة الخشب فى تربية الدواجن:

فرشة الارضيه نشاره خشب تكون بيضا ليط علشان تساعدك على الامتصاص جيدا بعد مانرش الجير ويغطى كل الارضية وارتفاع متر من كل جدار نجيب النشارة ونفرشها بالتساوى لو فى فصل الصيف تكون بمعدل من 2 الى 3 سم ارتفاعها وبالشتاء بتحتاج تزيد فى كثافتها نقول 10 سم ارتفاعها عشان بيحتاجو يدفو اوى عكس الصيف والنشارة ظاهرة اهى تحت رجليهم

 خطورة التبن فى تربية الدواجن:

عدم فرش اى حاجة غير النشاره مثل التبن لان بيجيب كساح وبالحار بيزحلق الطيور وبيعمل فرشحه بالرجلين بيجمع امراض كتير فى المكان اللى موجود فى افراخ وبكده هيكون فى اصابة كبيره ونسبت فى موت الدواجن الموجوده عندك بسبب التبن وبكده المشروع هيخصر. 

ادوات المزرعة:


دفايات او لمبه بسلك ومنها هتكون اضاءة وبردة تدفية للى هتربى بكرتونة يفضل تكون 100 وات اللمبة بالصيف و300 وات بالشتاء وتتركب ولازم تكون على ارتفاع متر من الفراخ عشان متحرقش جلدهم وتجيب ليهم اختناق واحتباس حرارى وفى ناس بتربى فى الصيف من غير اى لمبة بتقفل الكرتونة جانبين منها وتترك جانبين للتهوية وبيبقو زى الفل وبنظرك تحددى سقعانين ولا مبسوطين او دفاية غاز اللى هى اسمها الشعلة.

شعلة النار الى شغالة عشان يحمى المكان من اى شرارة نار تشبك بالنشارة لاقدر الله ولاحظو معايا كمان ع الجدار علامات بيضا بتاعت الجير اللى رشناه على الجدار بارتفاع متر والارضية كمان ولاحظو كمان فى طوبة حرارية على النار دى بتدى حرارة مضاعفة وتوفر بالغاز لمجرد تقرب اصابعك منها تلاقى بدل النار طالع الف نار ونار.

بتفرق معانا وقت الشتاء البارد لكن بالصيف اقل نار تدفى بصراحة والطوبة دى بتنجاب من البيطرى بيبيعها عندة عايزة تحطى القالب كلة اوك عايزة تكسرية نصين وتحتفظى بالاخر اوك بس ممنوع يلمسة الميه يفضل ناشف من النار للارضية يتركن فقط.

العلافات وسقايات التسمين : 

• سقاية 4 لتر.
• وطبق الاكل.

اختارى البلاستيك اللى قماشتة تكون طرية مش بلاستيك خشن للكسر ولما الفراخ تكبر وتبقى عمر اسبوعين هتحتاج.

العلافة الصاج :

وفي منها علافة بلاستيك مش صاج بس الصاج احلى بتنزل العلف تلقائى للطير البلاستيك منها بتحتاج كل كم ساعة تدخل تهز الوعاية .

وساقية الميه لازم تكون علشان تكفى ميه الشرب للفراخ 8 لتر.

وسواء عندك ولاهتشترى جديد لازم يطهرو جيدا قبل مايدخلو على الطير يعنى نجيب بقى ادوات العلف والشرب وكمان لو قماش هتغطى بيه فتحت باب ولا قفص.

ونجيب بلاستيكايه بتاعت الغسيل كبيره نحط فيها ميه بكلور مركز بردة بس لو الادوات دى مش نضيفة وفيها براز ولا كدة اغسليها الاول بالمية وزيت الصابون.

بعدين الكلور اخر مرحلة ليهم غطسيهم في الميه بالكلور واضعكى بسفنجة كبيرة فيهم برا وجوا وطلعى من الميه رصيهم على شكاير نضيفة تكونى ع السطح تخلى الادوات كلها بالشمس يوم و أو2 عشان الشمس هتطهرهم وتطير ريحة الكلور طبعا سادسا.

الترمومتر الحرارى للمكان:

• بنشترية من عند البيطرى بردة. 
• هنعلقة بفتلة فى مسمار بالسقف ولا الجدار. 
• ويكون مكان فى ركن من الاربعة بتوع الاوضة. 
•  المزرعة او الكرتووونة زى الى بالصورة تحت اللى لونة اصفر. 
•  منركبوش قرب النار ونقول الدنيا دفا اهى. 
•  لاء يتركب فى ركن من الاربع اركان بالمكان. 
•  ويكون الركن البعيد عن النار عشان يلقط درجة الحرارة الصحيحة مش الوهمية. 
•  ويكون ارتفاعة فوق راس الطير. 
•  كل مايكبر الطير تشدى الخيط شوية ويكون الترمومتر واقف. 
•  على راس الطير يلقط حرارة الجو على حسب طول وعمر الطير. 
• شوفو الصورة وشوفو سهم اخر متوجه. 
•  لدفاية غاز شكل تانى من بتوع المزارع. 
• بس كلة بيقضى الغرض وكلة زى بعض.

وبنستقبل الطير عمر يوم على درجة حرارة 35 درجة مئويه ويوميا تقل نصف درجة والحرارة المناسبة لطير عمره 3 اسابيع حتى الدبيح هى 25 درجه مئويه .